ó ljúfa líf - hvar ertu???

Ohhh.... þið þekkið örugglega öll þá yndislegu tilfinningu að vera búin með eitthvað - eitthvað stórt, eitthvað sem er búið að liggja á manni - lengi - alltof lengi. Svona er það hjá mér í dag - hópurinn minn var að klára næst stærsta verkefni þessarrar annar... þannig að núna á bara að vera sæla í gangi!!! En ætli ég fái ekki bara að njóta þessarrar sælu núna í svona klukkutíma í viðbót - því næsta verkefni bíður á borðinu. Já þannig er það nú að vera í námi - kemur engin pása fyrr en í júní. En þetta er nú reyndar rosa gaman - gaman að vera að vesenast í þessu öllu saman - í rauninni er verkefni kvöldsins hjá mér að reyna að finna út hvað mér finnst ekki spennandi við þetta!!! Sem er nú, sem betur fer í flestum tilfellum, erfitt að finna, en í kvöld vildi ég svo mikið vita hvað mér finnst ekki spennó.
Ástæðan fyrir þessu er sú að á morgunn á ég að koma með 3 mínútnar fyrirlestur um það sem mig langar að skrifa um í stóra verkefninu okkar... en ég get engan vegið fundið út úr því, því mig langar að skrifa um bara allt - týpískt svar frá kvennmanni heyrðist einhvern staðar, er það ekki?

Annars ætla ég að pústa vel um helgina - helst bara líta sem minnst í bækur - Guðný Huld, Doddi og Árni Haukur eru líka að koma annað kvöld. Verður spennó að sjá hvernig þeim gengur að keyra hingað í allri brúðkaupstraffíkinni sem verður hér á morgunn. Danir eru gjörsamlega að fara yfir um í þessum brúðkausstússi.... já hugsið ykkur í öllum bakaríum landsins verður hægt að fá að kaupa bita af brúðartertunni, fyrir utan það að flestar búðir selja sérstakar brúðartertur - svona fyrir utan allt hitt. Sumar búðir eru reyndar bara með lokað - allir heim að horfa á brúðkaup - eða helst að reyna að koma sér til Köben til að finna stemminguna.....

Jæja gæti örugglega skrifað endalaust, það er ekki eins og maður sé ekkert búin að skrifa síðustu daga, en það er bara svo notó að skrifa á ástkæra ylhýra...

Hilsen fra Aalborg