Númer 7000

Algjört krútt sem kom til Áló sem lítil bumbuskvísa.
Heimurinn er stundum svo lítill, vinkona min og vinur hans Bjarna fundu hvort annað og bjuggu í sameiningu til 7000 Mosfellsbæinginn!!

2 ár!!!!!!

Já dagurinn í dag er smá sérstakur fyrir okkur familýuna... 2 ár síðan við komum til DK í fyrsta skipti. 2 ár síðan við lentum á Kastrup, fengum okkur far með Taxa inn í Köben að Store Kongegade og bárum allan okkar OFUR farangur upp á 6. hæð.... engin lyfta!!!! Áttum svo 4 daga í Köben áður en við fórum til Áló.

Fékk annars rosa góðar fréttir í gær... SU -ið mitt er komið og Duran Duran að koma til DK, verða í Horsens 9. des - spurning um að safna í hópferð... já já ég veit að ég sagði hérna fyrr á blogginu að ég hefið haldið með Wham... og að Duran voru lélegir á live8... En spurnig hvernig þeir standa sig svona live!!!

Merkilegt

Í rauninni er komið að því að ég þurfi að vera dugleg að byrja að læra aftur... þarf að skrifa verkefni og lesa yfir það sem við áttum að læra á síðustu önn, en litli kollurinn minn er búinn að gleyma.

Skil alls ekki hversvegna það er svona erfitt að komast í þetta, ætlaði að fara að setjast niður við þetta áðan, en þá var gargað á mig úr öllum hornum íbúðarinnar. Rúmin þurftu að láta skipta á sér, kaffikannan að láta kalkhreinsa sig, örbylgjuofninn að fituhreinsast, ruslið langaði í göngutúr og komst svo í sitt ból, það þurfti að pakka inn afmælispakka og skrifa á kort, ná í póstinn, vaska upp, skrifa blogg og svo að ná í prinsinn á leikskólann fyrir klukkan eitt... hann er að fara í veislu og þar sem ég hef EKKERT að gera fylgi ég með!!!

Nýr sími!!!

Heyrði (eða las) einhverntíman um það að Ísland væri svo lítið og svo margir frægir að það væri sirka svoleiðis að í hverjum grunnskóla væri að meðaltali einn einstaklingur sem ætti eftir að verða þekkt andlit á landinu. Er það ég sem er svona óminnug, eða eru Hellubúar svona abnormal, var einhver frægur(s.s. sem er frægur í dag) með mér í grunnskóla??? En annars nei - við vorum / erum svo sem öll fræg á Hellu.... dugir það ekki???
Úfff.... hvað maður er skemmtilegur og mikil smeðja... "hver er frægur??" fæ hroll.... Hver á svo sem að dæma það hver er frægur og hver ekki, hvenær ertu nógu mikið "inn" til að ókunnugt fólk vilji þekkja þig... er það stuðullinn???

Var annars að spá í hvort það sé bara ég sem er ekki að trúa á þessi meil sem maður fær stanslaust þessa dagana, bla bla bla... ef þú sendir þenna póst á 8 manns færðu nýjan NOKIA súper síma en ef þú sendir á 20 færðu nýjan Nokia super duper síma...en mundu að senda á líka exe@virus.com - eða eitthvað álíka. Trúir fólk þessu??

já sumarfríið..

Þetta er sko búið að vera ósköp ljúft sumar, fullt fullt af gestum svo það er alltaf nóg að snúast - verst þykir mér að ég hef ekki drifið mig í að skrifa lögfræðiritgerðina né lesa fyrir lyfjafræðiprófið sem er í lok september... bara skil ekki af hverju ég gerði þetta ekki fyrstu helgina í sumarfríinu eins og planið var!!!!

Yndislegt!!!

Já get ekki annað sagt en að maður sé að njóta sumarfrísins í botn... endalaust letilíf og svo smá flandur inn á milli.Faarup, ströndin, Aarhus meðal annars og í dag erum við að spá í að fara og vígja flotta tjaldið okkar!!!!!
Veðrið svo ekkert að skemma fyrir, búið að vera hátt í 30 stiga hiti hérna dag eftir dag - og endalaus sól og blíða.

En ég er að komast á þá skoðun að það sé internetlaust á Íslandi.. þessir bloggarar sem ég kíki nu reglulega á (þessir til hliðar á síðunni) hafa barasta ekkert bloggað???

Því spyr ég - er netlaust á Íslandi?? (veit að þetta er spurning sem svarar sér sjálf, því ef netlaust er kemst fólk ekki i að svara!!)

Hversu stórt.....

Getur muggu bit orðið... mitt er orðið 21x11 cm á stærð

Er það eðlilegt?????

Eldrautt, bólgið og heitt og innan í þess svæði er svona blásvartur hringur sem er sirka helmingi minni en rauða svæðið....

Aarrrrg hvað þetta er óþægilegt!!!!!

Var alltaf bara að plata......

hélt sko með Wham...

DJöööö voru Duran Duran lélegir, á live8,hljóta að hafa verið betri fyrir 20 árum þegar mér fannst þeir æði - ik??

Júbbí trúbbí

SOMMERFERIE...........íhaaaa.........

Já loksins þá er maður bara búin með 3. semester ;)
Héldum dimmisjon fyrir stelpurnar sem voru að klára í gær, allt voða hátíðlegt og flott og svo vorum við búnar að semja leikrit sem við fluttum, sem betur fer svo fyndið að allur salurinn grenjaði úr hlátri .. vorum bara sej.. eins og studievejlederinn sagði í dag, hefur víst ekki verið svona gott leikrit í mörg ár. En þetta er sem sagt hefðin, þær sem eru á 3. önninni sjá um útskriftina og leikrit fyrir þær sem eru að klára.

Eftir grínið var svo skundað upp á Stenbjergsvej í útskrift hjá honum Áka - orðinn Fjarskiptaverkfræðingur kallinn.. til hamingju með það ;) Samt finnst mér þetta hálf súrt því núna fara þau heim... ég á eftir að sakna þeirra og allra litlu krílanna þeirra, sem að sjálfsögðu sáu um skemmtunina í gær.. dúllurnar...

Sommerferie, sommerferie.... já ætla að kíkja á búðarráp með köllunum mínum, koma við hjá Ceci, hún er búin að bjóða mér í kaffi því hún er að fara til Grænlands á morgunn...

Loksins er þessi langþráði dagur kominn.....

Ætla út að njóta góða veðursins (vona bara að það rigni svo ekki allt sumarfríið mitt!!!!)

Berfætt á REM

Já þá er þetta allt að hafast, prófið í gær gekk OK - vona ég alla vegna....

Eftir prófið var skundað út í Frejlev, heim til Jane S. sem á heima í mega einbýlishúsi, og grillað... yndislegt eftir allt stressið sem búið er að ganga á síðustu vikur. Svo var planið að detta í það... en sökum almennrar þreytu varð ekkert úr því - ég var komin heim um sjö, drengnum skellt í rúmið og ég lognaðist ut af um átta... og grjótsvaf til sjö í morgunn. Þannig er nú það ;)

Annars voru REM tónleikarnir BARA góðir... váaaaa sko Alanis var góð en úfffff... þeir voru sko miklu flottari. Fyrr það fyrsta þá voru þetta útitónleikar og 25 þús manns... 28 stiga hiti, logn og sól... gerist það betra????
Bjarni hafði valið ferlega góð stúkusæti handa okkur... hann hélt nú að hann væri að velja í stúkunni inni (þar sem þetta áttu nu að vera innitónleikar í okkar haus!!). Svo var bara að njóta þessarrar frábæru stemmingu, berfætt í hitanum og hlusta á góða tónlist. Þeir gerðu eins og Alanis tóku góðu "gömlu" lögin inn á milli, eitthvað sem ég er sko alveg að fíla því ekki fylgist ég mikið með tónlistarheiminum í dag!!!

Jæja ætla að fara að elda handa köllunum mínum sem eru búinir að vera svo duglegir síðustu daga, þrifu gluggana í húsinu í gær, og skúruðu út í dag.. I´m so lucky!!!!

Ég er matur!!!!!

Já takk takk, gekk bara rosa vel í munnlega"fall" prófinu um daginn.. fengum 9 skvísurnar... vorum rosa sáttar við það ;)
Svo núna er allt komið á fullt við lestur fyrir NEO og EMBRYO prófið, sem er sem sagt skriflegt próf úr "nýburafræðum"(sikra þessi þýðing) og fósturfræði. Strembið próf, en mjög svo áhugaverð efni og ekkert svona "ætti ég að læra þetta eða þetta" - dæmi, bara áveðin efni s.s. tvær bækur, sem eru pensum og það þarf maður að kunna, svo ekkert röfl farðu að læra kella.......

En já að fyrisögninni....Muggurinn bragðaði vel á mér í gær... arrrrggggg hvað mig klæjar.

Já og svo eru bara 2 dagar í REM - júbbý

STRESSSSSSSS

Jæja prófið í fyrramálið... helmingurinn af bekknum fór í það dag -
og það var 50% fall!!!!!!!

Veit ekki hvernig á að fara að því að slaka á... en kem mér samt ekki í að læra neitt.. líklega vegna þess að ég veit ekkert hvað ég á að læra!! Maður er búinn að skila inn essay og leggja ROSA vinnu í hana, ef svo sensor líst ekki á hana, nú þá bara skrifa nýja og koma í próf í ágúst...

Þessar sem féllu í dag, voru mjög sáttar við sitt verkefni og þegar þær komu út úr prófinu voru þær bara nokkuð sáttar með sig... þangað til þær fóru inn að fá einkunina sína, það var bara sensorinn sem fékk ekki það sem hann vildi - Þoli ekki svona HEPPNI próf - þar sem ég er aldrei heppin.....
Í alvörunni - að bara af því honum líkaði þetta ekki - án þess þó að geta sagt það hvað væri í rauninni að - þá SORRÝ - skrifaðu aftur.... svo er bara spurning hvort ég verði aftur sensor og finnist þú "skemmtilegri" þá!!!!!

ARRRRGGGGG.... krossið fingur fyrir mig á morgunn - milli klukkan 8:30 og 10:00

Takk takk ;)

Já takk fyrir afmæliskveðjurnar í gær - yndislegt að sjá/heyra
hvað margir muna eftir manni ;)

Annars er bara sólarhringur í 1. prófið og
ég er komin með eksamensmave....

hahahahha.....

Bara varð að skella þessu inn hérna .......... útlendingar sko!!!!!

Lestrarplan

Jæja þá er um að gera að vera skipulagður... heimaprófið búið á reyndar eftir hálfa spurningu - spurning hvort henni verði svarað!!! Svo var bara að gera lestrarplan fyrir alla dagana fram á föstudag... dugleg stelpa og hélt mig við planið um helgina - var í raun ekki eins stíft prógramm og ég hélt ;) Komst meira að segja í nudd í dag til Kollu.

Annars er þetta frekar skritið - en ætli það sé ekki bara af því maður hefur ekki prufað þetta áður, þetta er "hóppróf" - gruppeexamination - þannig að við verðum báðar inni - við Jane ( já rosa hópur!!) - og verjum vekefnið okkar saman. Þannig að við þurfum að vera voðalega samstíga í því hvað við lesum - hvor les hvað og hvað við ætlum að leggja áherslu á......þetta er eitthvað sem maður er bara ekki vanur!!!

Annars bara lítið að frétta - jú rigning.... en mér finnst rigningin góð - þegar ég er í prófum ;)

Hilsen

Þá er það komið á hreint

Já essay vörnin mín er 17. júní klukkan 8:30

Þannig að ég kemst með í skrúðgöngu eftir próf..... Velvið eigandi ;)

Hæ hó og jibbý jei.....með þyrlu og fána

Hefur þú tannburstað hund???

Jæja þá er projekt þessarar annar fullskrifað - bara eftir að ljósrita í 6 eintök og skila fyrir klukkan 12 á morgun ;) Frábært að vera komin hérna megin við þetta verkefni, svo er munnlegt próf úr þessu annað hvort 16. eða 17 júni (er ekki búin að fá dag ) Já pælið í því að vera í prófi á 17. júní... á maður ekki að vera í skrúðgöngu þá??

Heimapróf næsta föstudag og NEO+EMBRYO próf 27. júni - síðast skóladagurinn svo 1.júlí en þá fáum við afhennt verkefnið sem við eigum svo að skila fyrsta skóladaginn í haust. Förum svo í fyrsta próf næstu annar síðustu vikuna í september og námsefnið fyrir það erum við langt komin með núna..... þannig að ég veit hvað ég þarf að gera í "sumarfríinu"!!!!!

Annars verð ég að spyrja þig lesandi góður um eitt... Gengur vel hjá þér að tannbursta hundinn þinn????? EF ekki fáðu þér þá Pedigree hundatannbustann, og hundatannburstunin verður leikur einn!!!! Vá.. allt er til - fékk hláturskrampa þegar ég sá þessa auglýsingu - hef líka aldrei tannbustað hund.

Í dag er Fars- dag hérna í DK (feðradagurinn) þannig að við Oddurinn minn fórum og fætur og bökuðum bæði brauð og köku og pökkuðum inn naríum sem á stendur "verdens bedste far" sem prinsinn svo gaf pabba sínum þegar hann vakti hann að morgunn hlaðborðinu - voða kosý allt ;)

Jæja karlarnir mínir að fara í Jumboland með íslendingafélaginu og ég að koma mér að lestrinum

Lifið heil

Með gulrót í göngutúr....

Sumir kannast eflaust við titil dagsins hjá mér!!

Já um síðustu helgi var haldið vorgrill hér hjá íslendingafélaginu og eftir grillið bloggaði ein skvísan hér í Áló um það hversu feitir og illa til hafðir íslensku karlarnir hér í borg væru - og hversu feitar við konurnar værum - en reyndum þó að halda okkur til. Til þess að ráða bót á þessu benti hún okkur á að eyða 5 mínútum áður en við færum út í það að snurfusa karlana okkar til og fara svo í göngutúr og fá okkur gulrót svo við myndum grennast....

Ég skemmti mér mikið yfir þessarri lesningu og finnst voða leiðinlegt að skvísan sá sig neydda til þess að eyða út blogginu sínu, vegna þeirra árása sem hún varð fyrir út af skoðunum sínum. Ó já Íslendingar eru bestir, alltaf, allstaðar og voru greinilega ekki að höndla þessa "árás" úr hópi eigin landa!!!!

Skyldi hún hafa verið að benda okkur á eitthvað annað... voru duld skilaboð í þessu með gulrótina í göngutúrnum, hvað áttum við að gera við hana??? Eyða 5 mín í karlana áður en við förum út.... lítur fólk ekki alltaf best út rétt á eftir "bíb" - getur ekki líka verið brjáluð brennsla í heimaleikfiminni.....

Maður verður alltaf að hafa gaman af lífinu og sjá björtu hliðarnar... ekkert er það að bögga mig þó einhver skvísa segi að ég sé feit - ég veit vel að ég er það - og það vita það allir sem eru það!!!
Þanngi að mér finnst fyndið að fólk láti svona fara í taugarnar á sér...

Og já fyrir ykkur hin sem ekki búið í Áló - þá er hér sko enn þá meira kjaftasögubæli en HELLA... og þá er nú mikið sagt ;)

Ps. passaðu þrýstinginn maður!!!!

blogga já blogga.....

Nei annars hef eitthvað lítið að segja.....

Jú núna er stressið að byrja... próf eftir 1 og hálfan mánuð, svo það er um að gera að spítta í lófana og koma sér að stað. Var bara hálf slöpp í dag og gerði ekki neitt, en var með þessi líka fínu plön um að reyna að lesa embryologi (fósturfræði) upp í dag - humm það verður gert einhvern annan dag!!!

Mamma og pabbi að koma á miðvikudaginn, planið að kíkja í Faarup sommerland með þeim, sumir guttar orðnir svakalega spenntir að komast þangað aftur, búið að vera lokað í allan vetur..

Ef þið kunnið góð ráð við að losna við maura þá megið þið endilega senda mér. Erum með svona "gildrur" sem maurarnir eiga að laðast að vegna lyktar svo koma þeir þar inn og taka eitthvað eitur með sér út sem þeir svo fara með í búið og þar eiga allir að drepast... voða vísindi... finnst þetta bara ekki virka nógu vel.
Hef heyrt allskonar hryllingssögur af því að eitra.... er virkilega ekkert annað hægt???
Sem betur fer eru þessar skeppnur ekki í öllu húsinu og ekki margar, en alltaf einn og einn á stangli, en þar sem sú regla er sögð gilda í þessu að ef þú sérð einn - þá leynast þar þúsund - þá finnst mér það frekar óspennandi að vita af þeim hérna...

Alanis Morissette

Ohhh... mikið var skvísan góð!!!

Við hjónakornin skelltum okkur í gærkvöldi á tónleika með Alanis Morissetta í Horsens, brunuðum bara á rauðu þrumunni þangað. Og váaa ferlega er hún góð, og sem betur fer fyrir mig, þá hefur hún ekkert þróast síðan 95 þegar hún gaf út diskinn góða - æji þennan sem allir eiga og kunna. Lögin af þeim diski voru svona grunnurinn að tónleikunum ásamt svo nokkrum yngri lögum, en öll í alveg sama stílnum.. þannig að maður gat alveg gargað úr sér lungun - I want you to know.. og svo framvegis. Kvöldið sko innilega aksturisins viðri, maður er svo sem ekki nema 1 og hálfan tíma að bruna til Horsens og svipaðan tíma til baka... ha ha hahah.... svo fyndin ;)

Annars er bara endalaust útstáelsi á manni... um síðustu helgi tók maður þátt í því að reyna að hræða líftóruna úr litla brósa... hann varð sem sagt 25 ára og Olga planaði surprise partý.. tókst svona líka vel, kall greyjið hélt að það væri verið að ráðast á sig.. en svo var bara stanslaust fjör fram á morgunn.

Á fimmtudagskvöld var svo stofnun kvennfélagsins hjá okkur ísl kellingunum... ákváðum að heita Áladívurnar - frekar væmið ég veit!!! En markmið félagsins er að hittast og gera eitthvað annað en að læra og hugsa um heimilisstörf!!!

Guttinn minn er annars búinn að uppgötva það hvað við foreldrar hans erum leiðinleg... eða eitthvað í þá áttina, er úti með David öllum stundum og svo í nótt fékk hann að gista hjá Olgu og Nessa - og þegar hann vaknaði í morgunn þar þá pantaði hann að fara að leika við Brynjar Freyr, sko nóg að gera hjá mínum.

Jæja þrif á húsinu næst á dagskrá... það er þá sem ég skil ekki af hverju við búum í 130 fm húsi!!!