Með gulrót í göngutúr....

Sumir kannast eflaust við titil dagsins hjá mér!!

Já um síðustu helgi var haldið vorgrill hér hjá íslendingafélaginu og eftir grillið bloggaði ein skvísan hér í Áló um það hversu feitir og illa til hafðir íslensku karlarnir hér í borg væru - og hversu feitar við konurnar værum - en reyndum þó að halda okkur til. Til þess að ráða bót á þessu benti hún okkur á að eyða 5 mínútum áður en við færum út í það að snurfusa karlana okkar til og fara svo í göngutúr og fá okkur gulrót svo við myndum grennast....

Ég skemmti mér mikið yfir þessarri lesningu og finnst voða leiðinlegt að skvísan sá sig neydda til þess að eyða út blogginu sínu, vegna þeirra árása sem hún varð fyrir út af skoðunum sínum. Ó já Íslendingar eru bestir, alltaf, allstaðar og voru greinilega ekki að höndla þessa "árás" úr hópi eigin landa!!!!

Skyldi hún hafa verið að benda okkur á eitthvað annað... voru duld skilaboð í þessu með gulrótina í göngutúrnum, hvað áttum við að gera við hana??? Eyða 5 mín í karlana áður en við förum út.... lítur fólk ekki alltaf best út rétt á eftir "bíb" - getur ekki líka verið brjáluð brennsla í heimaleikfiminni.....

Maður verður alltaf að hafa gaman af lífinu og sjá björtu hliðarnar... ekkert er það að bögga mig þó einhver skvísa segi að ég sé feit - ég veit vel að ég er það - og það vita það allir sem eru það!!!
Þanngi að mér finnst fyndið að fólk láti svona fara í taugarnar á sér...

Og já fyrir ykkur hin sem ekki búið í Áló - þá er hér sko enn þá meira kjaftasögubæli en HELLA... og þá er nú mikið sagt ;)

Ps. passaðu þrýstinginn maður!!!!

blogga já blogga.....

Nei annars hef eitthvað lítið að segja.....

Jú núna er stressið að byrja... próf eftir 1 og hálfan mánuð, svo það er um að gera að spítta í lófana og koma sér að stað. Var bara hálf slöpp í dag og gerði ekki neitt, en var með þessi líka fínu plön um að reyna að lesa embryologi (fósturfræði) upp í dag - humm það verður gert einhvern annan dag!!!

Mamma og pabbi að koma á miðvikudaginn, planið að kíkja í Faarup sommerland með þeim, sumir guttar orðnir svakalega spenntir að komast þangað aftur, búið að vera lokað í allan vetur..

Ef þið kunnið góð ráð við að losna við maura þá megið þið endilega senda mér. Erum með svona "gildrur" sem maurarnir eiga að laðast að vegna lyktar svo koma þeir þar inn og taka eitthvað eitur með sér út sem þeir svo fara með í búið og þar eiga allir að drepast... voða vísindi... finnst þetta bara ekki virka nógu vel.
Hef heyrt allskonar hryllingssögur af því að eitra.... er virkilega ekkert annað hægt???
Sem betur fer eru þessar skeppnur ekki í öllu húsinu og ekki margar, en alltaf einn og einn á stangli, en þar sem sú regla er sögð gilda í þessu að ef þú sérð einn - þá leynast þar þúsund - þá finnst mér það frekar óspennandi að vita af þeim hérna...

Alanis Morissette

Ohhh... mikið var skvísan góð!!!

Við hjónakornin skelltum okkur í gærkvöldi á tónleika með Alanis Morissetta í Horsens, brunuðum bara á rauðu þrumunni þangað. Og váaa ferlega er hún góð, og sem betur fer fyrir mig, þá hefur hún ekkert þróast síðan 95 þegar hún gaf út diskinn góða - æji þennan sem allir eiga og kunna. Lögin af þeim diski voru svona grunnurinn að tónleikunum ásamt svo nokkrum yngri lögum, en öll í alveg sama stílnum.. þannig að maður gat alveg gargað úr sér lungun - I want you to know.. og svo framvegis. Kvöldið sko innilega aksturisins viðri, maður er svo sem ekki nema 1 og hálfan tíma að bruna til Horsens og svipaðan tíma til baka... ha ha hahah.... svo fyndin ;)

Annars er bara endalaust útstáelsi á manni... um síðustu helgi tók maður þátt í því að reyna að hræða líftóruna úr litla brósa... hann varð sem sagt 25 ára og Olga planaði surprise partý.. tókst svona líka vel, kall greyjið hélt að það væri verið að ráðast á sig.. en svo var bara stanslaust fjör fram á morgunn.

Á fimmtudagskvöld var svo stofnun kvennfélagsins hjá okkur ísl kellingunum... ákváðum að heita Áladívurnar - frekar væmið ég veit!!! En markmið félagsins er að hittast og gera eitthvað annað en að læra og hugsa um heimilisstörf!!!

Guttinn minn er annars búinn að uppgötva það hvað við foreldrar hans erum leiðinleg... eða eitthvað í þá áttina, er úti með David öllum stundum og svo í nótt fékk hann að gista hjá Olgu og Nessa - og þegar hann vaknaði í morgunn þar þá pantaði hann að fara að leika við Brynjar Freyr, sko nóg að gera hjá mínum.

Jæja þrif á húsinu næst á dagskrá... það er þá sem ég skil ekki af hverju við búum í 130 fm húsi!!!

1.apríl.....ha ha ha

Jæja hljópuð þið fyrsta apríl???

Við hjónin í prakkaraskap okkar sendum póst á hinn svokallaða DIFN lista... s.s. póstlista íslendinga í Álaborg - þessa efnis : Sprúttsala!!!

*ATH-ATH-ATH-ATH**Vegna slæmrar fjárhagsstöðu DIFN og mikils taps af þorrablóti verður stjórnin með áfengisútsölu (afgangur af þorrablóti) við Kanalhúsið milli 18 og 19 í dag. Fyrstir koma, fyrstir fá. Til sölu verður bjór, léttvín og sterkt áfengi. Þýskalandsprís - Stjórnin*

Lítur auðvitað sennilega út þar sem Bjarninn minn er gjaldkerifélagsins... ha ha ha - vona að einhver hafi skellt sér að versla ódýran öl :)


Reyndar var ekki eins skemmtilegt að það náðist að plata mig... hljóp samt ekki!!

Á leikskólanum er svona dagbók, sem þær skrifa í hvað þau hafa verið að gera yfir daginn og svona og auk þess skilaboð til okkar foreldrana. Undan farið hafa verið margar tilkynningar um veikindi og fleira...

Í dag voru skilaboðin þessi... við höfum orðið varar við lús, njálg, gin og klaufaveiki, hringorm og Roskildesyge hjá börnunum... endilega fylgist með börnunum ykkar og tékkið þau.

Sjittt... krakka greyjin farin að fá Roskildesyge... hugsaði ég sá að ég yrði að grandskoða prinsinn minn þegar við kæmum heim... Kom þá ekki Charlotte alveg í hláturs krampa... ha ha ha þetta er 1. aprílgabbið mitt i ár.... ha ha sumir bara fyndnir!!!!

Varst þú fyndin/nn??

Gleðilega páska

Njótið hátíðarinnar....

Nóg að gera... eins og alltaf

Jæja mín bara ekki búin að blogga í viku, ekki út af því að það sé ekki frá neinu að segja, heldur það að það sé of mikið að gera. Kallarnir mínir báðir lasnir, Oddurinn lagðist á föstudagskvöld, týpískt að hann leggist þegar ég er ekki heima, fór á fest í skólanum. Bjarni lagðist svo á sunnudagskvöld og er hálf slappur enn, Oddur Ingi var orðinn hitalaus á mánudag og var hitalaus heima á þriðjudag, en aðfaranótt miðvikudags rýkur hitinn upp aftur. Við fórum þvi með hann til læknis á miðvikudag, þar sem doksi komst að því að prinsinn væri komin með ofan í sig.. berkjubólgu, þannig að það kostaði tvennskonar meðul, þetta var reyndar ekki orðið fast í Bjarna þannig að hann fékk annars konar meðal... sem sagt dýr apóteksferð!!

Já festin á föstudaginn var annars góð. Hittumst bekkurinn í skólanum áður en festin byrjaði, vorum bara í stofunni okkar, og höfðum fengið kokkinn í skólanum til þess að elda fyrir okkur, fengum þetta dýrindis hlaðborð keyrt upp í stofu til okkar... rosa gott. Nú svo var bara slátrað slatta af léttvínsflöskum, þó svolitlu af öli og Jane mín kom með það sem hún kallar svört svín, en ég kalla piparbrjóstsykur uppleystann í vodka, ásamt því var hún svo með jarðaberjavodka í sprite og bacardi i Faxi kondi... jebb kellan drekkur ekkert sull segir hún, bara alvöru sterkt!!! Grænlenska svísan í bekknum hún Ceci stóð reyndar líka fyrir sínu, enda grænlensk... og mætti líka með eitthvað sterkt guttl.... Nú eftir ótæpilega drykku, alla vegna sumra.. ásamt reykingum í skólastofunni (sæi þetta í anda heima!!!) skelltum við okkur niður í veisluna þar, einhver hljómsveit mætt á staðinn og rosa fjör. Fínt band, U2 eftirhermarar hálfgerðir, alla vegna hef ég ekki heyrt neinn ná Bono eins vel og þessi gutti!!!

Helgin var svo nýtt í dund hér heima, taka til í skápum og svona eftir Ikea túrinn - nóg að breyta og bæta eftir svoleiðis innkaup :)

Á mánudaginn skrópaði ég svo í skólanum eftir hádegi til þess að dekstra við kallana mína, enda sá eldri með háan hita og drulluslappur, en sá yngri hitalaus og eldhress... ekki alveg að fara saman.

Á þriðjudaginn eftir skóla voru svo fyrirlestrar frá 7.sem um val-hluta námsins. Maður þarf víst fljótlega að fara að huga að því hvað maður hefur hugsað sér að gera þá. Þetta eru 4 vikur þar sem við eigum að fara út og kynnast einhverju nýju en því sem við venjulega erum að gera, rannsaka eitthvað eða kynna okkur eitthvað öðruvísi, spennandi, nánar. Ég hef að sjálfsögðu hugsað mér að skoða eitthvað á Íslandi, og reikna með að það verði heimaþjónustan... s.s. sú þjónusta sem ljósurnar heima veita eftir fæðingu, koma heim og hjálpa til með brjóstagjöfina og umönnun barnsins heima. Er að spá í að hafa samband við Önnu Eðvalds.... og ætla að reyna að fá leyfi til þess að taka þetta í sumarfríinu mínu 2006 í staðin fyrir í feb 2007. Þá get ég alla vegna haft prinsinn minn með mér á íslandi, en get það nú ekki í feb 2007 því þá verður prinsinn orðinn svo stór að hann verður kominn í skóla - ó mæ god....

Í gær eftir skóla var svo Annegrethe einn af kennurunum okkar að kynna okkur phd verkefnið sitt (mastersverkefnið) sem hún skrifaði um ljósmæðranámið í Dk... rosa fróðlegt... enda skrifað um okkur og var stór aha.. upplifum fyrir okkur því núna föttuðum við hvaða þýðingu sum af okkar fáránlegri verkefnum hafði. Hún var sem sagt að nota okkur sem tilrauna dýr......

Í dag komu instruksurnar... uuuuuu... kölum þær bara yfirkennarana í verknáminu.... s.s. ljósmæðurnar sem eru yfir verknámshlutanum á sjúkrahúsunum, þær sem skipuleggja námið þar og sjá algjörlega um að við séum að læra það sem við eigum að læra... þær koma alltaf tvo daga á önn í heimsókn í skólan (eru eitthvað að læra eða eitthvað að plana allavegna) og þá borðum við hádegismat með þeim. Reyndar komst bara önnur instruksan okkar hér í Áló en í staðin var yfirljósan með, Conni Hermannsson... hef oft spáð í hvort hún eigi íslenska forfeður!!!

Við Oddur Ingi kíktum svo á Olgu, Nessa og Christó seinni partinn. Olga og Christó að fara til íslands á morgunn og hann á afmæli á laugardaginn, þannig að Oddur Ingi fór með pakka - fannst það auðvitað rosa flott.. ég veit hvað er í pakkanum en ekki Christó!!! Vorum svona rosalega heppin að Olgu var gefið fullt af kökum og brauði þegar við vorum þar þannig að við græddum "íslenskt rúgbrauð" með okkur heim.

Jæja þá er þessi skýrsla nú orðin frekar löng..... og best að fara að snúa sér að lestrinum... IUGR og grav prolong á morgun (börn sem hafa orðið fyrir vakstarskerðingu i legi/vá skildi maður eiga að segja þetta svona á ísl.. og komin fram yfir)

hilsen frá ljósunni

psykisk sårbare

Í dag var sálfræði, efnið var psykisk sårbare kvinder og børn - á íslensku - konur og börn sem eiga um sárt að binda - eða sirka svoleiðis.

Hópurinn minn fékk svo verkefni um flóttamenn/konur, hvers við þurfum að gæta að á meðgöngu, fæðingu og sængurlegu þessarra kvenna. Lásum helling af viðtölum og greinum við flóttakonur sem núna búa i Danmörku og hvernig þær reyna að lifa eðlilegu lífi, en er það í rauninni lífsins ómögulegt með allan þennann hrylling á bakinu sem flestar þeirra voru búnar að ganga í gegnum. Þessar konur byggja sér því einskonar skel til þess að vernda sig en við eðlilega meðgöngu linast/brotna svona skeljar þegar konur byrja að eyða mun meiri orku í að hugsa inn á við, um sig og barnið sitt. Skelin brotnar því þær nota venjulega mikið af sínum sálfræðilega styrk til þess að halda þessum hlutum frá sér, en þegar styrkurinn veikist, brotnar skelin.
Hvernig eigum við svo sem ljósmæður að vinna með þessum konum, koma fram við þessar konur og fleira í þeim skilningi. Konur sem hafa lent í ótrúlegum pintingum og fleiru, eru í rauninni í svo litlum tenglsum við líkama sinn, líta á líkamann sem fjandlegan sér. Þær eiga því mjög erfitt með það að ljósan kemur og vill þreifa magann þeirra, til þess að fylgjast með vexti barnsins, þær upplifa jafnvel slæmt "flash back" við það að settur sé á þær monitor (s.s. þá eru sett 2 belti um magann - sem svo eru tengd við tæki), vegna minninga um það að vera bundnar fastar og svo framvegis.

Já úffff gæti skrifað endalaust um svona sálfræði, enda alltaf nóg að gera þar ;)


Eftir skóla var svo foreldrakaffi í leikskólanum hjá prinsinum mínum, voða notó. Drifum okkur svo í bæinn þar sem ég ætlaði að kaupa mér eina skólabók (er að reyna að kaupa bækurnar í smá skömmtum svo ég sjái ekki heildarupphæðina... veit ekki hvort það sé gáfulegt) Transfussion og væsketerapi... en hún var uppseld, tékkaði svo á bókasafninu, en öll 5 eintökin voru í láni.. svo ég verð bara að mæta ólesin í skólann á morgunn

Að pissa í buxurnar

Lærði svo sem ekkert spennó í dag... vorum bara í 4 tímum, fyrsti var tilbagemelding á ritgerðinni sem ég var að skrifa um daginn, kom bara vel út... næstu 3 tímana lærðum við svo um mismunandi aðferðir við að pissa í buxurnar... s.s. hvers vegna, hvaða ástæða og hvað hefur á hrif á að maður pissar í sig... Vissuð þið að það eru tvær tegundir af því að pissa í sig???
Held ég skrifi ekkert meira um það !!!!!

ENNNN það góða við þennan dag var tidligt fri... já var búin á hádegi - JIBBÝ... fyrsta skiptið á þessarri dönsku skólagöngu minni sem þetta gerist :)

Þannig að dagurinn var nýttur vel, Bjarni minn er orðinn atvinnulaus aftur svo hann var dreginn í IKEA í Árhúsum (fyrsta skipti sem við förum þangað) .... Olga sótti guttann fyrir okkur :)
OGGG það var VERSLAÐ.. eins og minni einni er lagið ;) Þanngi að núna eru nokkrar nýjar mublur komnar í hús og fullt af öllum þessu nauðsynlegu smá hlutum sem einungis IKEA getur fundið upp á að selja..... HE hehe mín sko alveg í essinu sínu

Jamm ætla að fara að reyna að koma öllum fínheitunum fyrir

Umskurður karla og þröngar gallabuxur

Í skólanum í liðinni viku erum við búnar að læra margt skemmtilegt eins og auðvitað alltaf....

Tvennt er það þó sem mig langar að deila með ykkur, hugsanlegar orsakir leghálskrabbameins og legslímhimnuflakks.

Leghálskrabbamein (cervix cancer) finnst einunis hjá konum sem einnig hafa í sér vírusinn HPV(vírus sem smitast við kynmök). HPV er mjög útbreiddur vírus og ef maður tekur frumusýni úr kynfæraslímhimnu hjá fertugum dana eru 80% líkur á því að hann hafi einhverja tegund HPV. Tegundir HPV eru c.a. 130 talsins og eru það týpur 17 og 18 sem sérstaklega eru taldar leiða til leghálskrabbameins. Það merkilega við HPV er að útbreiðsla hans meðal vestrænna þjóða virðist ávalt vera svipuð, (þeir sem ekki eru smitaðir eru þeir sem ekki hafahaft kynmök, eða hafa svo til einungis haft einn maka sem sömuleiðis hefur einungis verið með þessum eina aðila), fólk smitast s.s. þegar það byrjar að stunda kynlíf og smokkar virðast ekki skipta neinu máli í þessu. Ennnn það skrítna er að sjúkdómurinn er ekki eins útbreiddur meðal Gyðinga, þ.e. gyðingar sem einungis hafa haft maka sem einnig eru gyðingar og sömuleiðis hafa einungis haft maka sem eru gyðingar (vá hvað þetta er flókið hjá mér s.s. gyðingar sem bara sofa hjá gyðingum), meðal þeirra er sjúkdómurinn ekki nærri því eins útbreiddur ( man ekki töluna, en rámar í 40%). Ástæða þessa er því talin að sjúkdómurinn grasseri undir forhúð karlmanna...
ERGO -> það er til ástæða fyrir því að umskera karlmenn!!!!

Hinn sjúkdómurinn sem ég ætla að segja ykkur frá er Legslímhimnuflakk (endometriosis) ef ég þá man íslenska nafnið rétt. Þetta er sjúkdómur sem lísir sér í því að slímhimnan úr leginu hefur dreift sér um kviðarholið og er meðal annars í eggjaleiðurunum, á eggjastokkunum og ýmsum stöðum í neðra kviðarholinu. Legslímhimnan vex jú eins og við vitum, rétt fyrir tíðir og blæðir svo út með tíðunum (túrnum), legslímhimnan utan legsins vex líka hjá þeim sem þjást af legslímhimnuflakki og veldur gríarlegum kvölum þegar hún svo byrjar að blæða út í kviðarholið.
Það merkilega við þennan sjúkdóm er að hann er svona nútímatengdur og oft nefndur tískusjúkdómur þar sem ekki er langt síðan byrjað var að greina konur með þennan sjúkdóm. Það hefur mikið verið spáð í hversvegna konur fá þenna sjúkdóm, en lítið hefur verið um svör, en líklegasta skýringin þessi, sem passar ju líka vel við að þetta sé nýlegur sjúkdómur. Þegar konur eru á túr og ganga í þröngum buxum þá þrýstist legið saman, eins og jú allt neðra kviðarholið sem buxurnar klemma saman. Þegar svo "Túrkonan" kemur heim að kvöldi og sprettir hratt frá sér buxunum myndast undir þrýstingur og legið þennst út og hluti slímhimnunnar þeytist út úr leginu, í eggjaleiðarannn, á eggjastokkana og út í kviðarholið, þarna nær slímhimnan að dreifa sér, kemst á flakk...
ERGO -> göngum ekki í þröngum buxum þegar við erum á túr

Humm... hvernig tekst mér svo upp þegar ég þykist vera fræðileg ???

Held að bloggið mitt sé ágætis staður til þess að æfa mig í að koma svona fræðslutextum frá mér, skrifa heldur ekki mikið svona á ástkæra ylhýra... gott að reyna að æfa sig svolítið..

Hilsen fra Aalb

Smá frétta horn

Sælt veri fólkið - mínir tryggu lesendur ;)

Smá fréttaskot héðan, komin aftur til Aalb. og byrjuð í skólanum á fullu, var ekkert rosalega spennt fyrir því að byrja því mér hefur þótt svo yndislegt í praktíkinni, en þetta er miklu skemmtilegra en í fyrra (þó ekki hafi verið leiðinlegt þá) og rosa spennandi efni á dagskránni hvern dag. Skólanum fylgir reyndar einn löstur... lexíur... úfff væri sko alveg hægt að gleyma sér í öllu þessu ef maður væri að standa sig í heimalærdómnum. Æji munið þið ekki eftir námstaktíkinni sem manni var kent í SAM106.. sko lesa efnið yfir daginn áður en maður fór í tímann og taka niður glósur þá. Mæta svo í tímann og taka niður glósur, þegar maður svo kemur heim þá á að endurrita glósurnar og samræma þessar tvær. Lesa svo yfir efnið, lesa svo efnið aftur viku síðar og svo rifja það upp minst einu sinni í mánuði......dream on.. hver kemst yfir að læra svona!!!! Er rosa sátt ef ég næ að lesa helminginn af því sem ég þyrfti að læra ;)

Fór annars út að skemmta mér um helgina og hvílikt stuð... laaaannnngt síðan ég hef dansað svona mikið. Já það var sko Þorrablót hér í Aalb og rosa vel heppnað í alla staði, Davíð Þór var veislustjóri, kom mikið á óvart, grunaði ekki að hann gæti gert þetta svona vel, maður var komin með krampa í magan eftir nokkrar mínútur, maturinn var æði... ég sló í gegn í tvísönt... NOT... Stuttmynd (þorraskaup) Bjarna, Daða og Dodda var frumsýnt, gott en frekar langt :s Hljómsveitin Spútnik lék fyrir dansi og Trúbadorinn Eva Karlotta hitaði upp og lék í hléi. Toppurinn var svo það sem toppaði þetta þorrablót og kom því ofar á hitlistanum en öll önnur blót sem ég hef komið á.. voru SS pylsurnar sem var rúllað inn um hálf þrjú leitið... komu sko algjörlega í veg fyrir þynnku í gær ;) Myndir frá gleðinni má nálgast á http://www.difn.dk undir myndir....

Hilsen frá Aalb

Á Íslandi

Jæja smá tími til tölvuhangs í annars þétt skipuðu prógrammi í þessarri Íslandsferð. Tölvuhangsið er í boði flensunnar - sem hefur skapað smá göt í prógramminu... smá öndunnarpásur.

Er annars búið að vera yndislegt og búið að hitta MARGA - en þó auðvitað ekki alla, enda aldrei hægt að ná á alla. Annað kvöld er svo afmælisveislan mikla hjá múttu - stefnir allt í roooosa fjör, og allt að 100 mans!!!!
Þannig að ef það er einhver hérna inni sem ekki er búinn að hitta okkur í þessarri ferð - þá bara vertu velkomin/inn í Árhús annað kvöld :)

Verð að þjota - drengurinn á deit við traktor klukkan eitt - og er búinn að spyrja á 2 mín fresti hvort klukkan sé 1???

Gleðilegt ár (2 vikum of seint)

Já ofurbloggarinn.... ekkert smá aktívur alltaf... reikna reyndar ekki með að verða aktívari á næstunni... brjálað að gera núna í lokinn á praktíkinni, svo komum við á klakann þann 26.jan og verðum til 6.feb og svo er það bara skólinn 7.feb.....

Það er nú ekki komið mikið plan á þessa klaka ferð, en þó ákveðið að Óskar og Steini ætla að sækja okkur og við reiknum því með að eyða 1.kveldinu með þeim. Morguninn eftir verður svo brunað í Hlíðarhjallan og "nýji" prinsinn tekinn út.... svo er það Hellan annað hvort þarna á fim eða fös... annað lítið ákveðið.. reyndar búið að tala um partý annað hvort á fös eða lau þarna fyrri helgina, en það ekki orðið ákveðið... sumir eiga víst afmæli í túrnum :) Verður auðvitað voða ljúft að koma og knúsa alla... gömlurnar mínar sérstaklega, þær eru alltaf jafn yndislegar.

Bergdís vinkona er svo búin að fá stelpu.. til hamingju með það elsku vinkona. Verður líka spennó að kíkja á ykkur.


Annars er bara nóg að gera hér í Áló eins og ég sagði áðan, er búin að flytja verkefnið mitt í praktíkinn... 2 tíma kennsla um getnaðarvarnir.. aldeilis ljómandi spennandi, en gekk vel, fengum plús í kladdann :)

Er að reyna að gera það upp við mig hvort ég sé í stuði... ágætt að hanga í tölvunni til þess að reyna að komast að því... Er sem sagt boðið í töse tamtam í kvöld, Guðný Þorseins búin að bjóða næstum öllum íslenskum kvenkynsverum í Álaborg í partý... Olga mælir með því að mæta snemma til þess að ná sæti!!!

Best að fara að elda og fá sér jafnvel eina hvítvín með matnum.. gæti aukið partýlystina :)

Sí jú....

MIg vantar Mikka ref.....

Við sonur minn vöknuðum í morgunn sárið... já sárið - um sexleytið.... reyndar var mín nú frekar löt og plantaði dengsa upp í rúm hjá sér og tjáði honum að það væri en nótt...en dengsar láta ekki plata sig.. og alls ekki þegar jólasveininn hefur gleymt þeim!!!!! Jamm jóli hér á bæ fór bara að sofa í gær án þess að vinna verkin sín - því var svo reddað með því að skella slikkinu í gúmístígvélin hans í fatahenginu - það var sko stríðinn jóli á ferð!!!!

Nú þar sem svooo fallegur jólasnjór féll í nótt, drifum við mæðginin okkur í að baka piparkökur... sem bragðast HÖRMULEGA... aldrei að treysta á uppskrift á netinu, bara þessar gömlu góðu hjá mömmu :(

já ég vei....

Kóngurinn farinn að kvarta - veit vel að það er langt síðan ég skrifaði eitthvað hérna síðast... er bara svo mikið að snúast og einu sinni þegar ég ætlaði að skrifa þá lá blogger.com niðri.. var frekar svekt þá ;(

Er annars búin með fæðingardeildarverknámið - kláraði 8 fæðingar - vel staðist - finnst mér alla vegna :) Er núna á sængurkvennadeildinni og svo áfram í skoðununum á mánudögum.

Er bara að kafna úr kvefi í dag - fór ekki í vinnuna - er svo hrædd um að smita lillana mína að þessum viðbjóði - ætla að fara að lúlla meira.....

ég svíf. ég svíf.....

Vá dagurinn í dag er bara búinn að vera æðislegur frá A-Ö

Loksins loksins tók ég sjálf á móti barni, s.s. MÍN fyrsta fæðing. Gekk frábærlega vel og allt var bara æði :) Reyndar var ég svo mikið að einbeita mér að því að "grípa" barnið að ég gjörsamlega gleymdi að tala - en það var nú mikið OK því ljósan varð nú að hafa eitthvað að gera líka ;) Hún var alla vegna ROSA stolt af mér og sagðist montin af nemanum sínum :) Ohhhh hvað ég var farin að þrá þetta, við nefnilega megum ekki taka sjálfar á móti fyrr en við erum "mitvejs" eins og það heitir. S.s. ákveðnir hlutir sem við verðum að vera búnar að ná áður en við komum að þessu. Ég var sko mitvejs 23. okt - og síðan þá hef ég ekki náð að vera viðstödd "normal" fæðingu.. allar endað með sogklukku og svo hafa verið alltof margar vaktir þar sem engin hefur fætt. En loksins loksins - og þetta var æði :)

Eftir þessa frábæru vakt komu kallarnir mínir að hitta mig niðri í bæ og við fórum á bæjarröllt með prinsinn til að leyfa honum að sjá jólaljósin, jólaskreytingarnar og jólasveina útstillinguna í Salling (svona svipað og var farið með mann að sjá í Rammagerðinni forðum daga) Keyptum okkur brenndar möndlur - ummmm elska það þegar þessi "jóla ylmur" kemur í bæinn. Enduðum svo túrinn á Pizza Hut - skröltum svo heim í bus og gláptum á Hit med sangen.

Annars eru miklar spekúlerasjónir í gangi hér á bæ.... eftir að við kærðum skattmann - varð hann góður og gaf penga.... jú hú.... svo núna er sko kominn BÍLL inn í myndina. Liggjum hreinlega á bilbasen að skoða :)

Þetta verður spennó

skilaboðaskjóða

Vorum að splæsa okkur í inneign hjá einhverju vefsímafyrirtæki, þ.e. þar sem maður getur hringt úr tölvunni í heimasímanúmer. Testaði systemið í gær með því að hringja í frú Lopez í gær, heyrði kvak í litla frænda í fyrsta skipti :) Hringdi svo í GV í dag, systemið virkaði mun betur svo að degi til en að kvöld og núna er ég með allar helstu kjaftasögurnar af ellóinu á hreinu, veit hverja er nýbúið að leggja inn, hverja þarf að mata, og hverja þurfi að keyra um í hjólastól og fleiri heitar fréttir í þeim stíl :) GV er bara yndi, malaði stöðugt maður varla komst að :)

Annars afrekaði ég fleira í dag - pantaði flugmiða fyrir familýuna til íslands 26.jan og svo aftur út 6. feb - þannig að við munum verða viðstödd þegar GÍ fagnar 50 afmælinu sínu - reyndar er það nú þjófstart hjá henni því afmælið er ekki fyrr en þann 7.feb - en þar sem ég "primadonnan" á að byrja í skólanum þann dag heldur hún upp á það aðeins fyrr.

Var annars að spá í einu - eru það bara kallinn minn og kóngurinn sem "lesa mig"... hef ekki heyrt frá öðrum lengi... ekki það að mér leiðist að hafa trygga aðdáendur ;)

Stundum er heimurinn ósanngjarn

Við fengum þær hræðilegu fréttir á mánudaginn að Fríða hans Sigga Kristins væri dáin, við lömuðumst gjörsamlega... hvernig er svona hægt, ung stelpa, hress og hraust - bara allt í einu látin. Hún fékk lungnabólgu, sem síðar leiddi hana til dauða.. ég hélt hreinlega að svoleiðis gæti ekki gerst í dag... en ég vil votta honum Sigga innilega samúð okkar - núna finnst okkur við vera langt í burtu :´(

og þá er best að blogga

Úfff var með námskeið í dag - foreldrafræðslu eða í raun fæðingarfræðslu, djö... var ég orðin þreytt í munninum og með þurrar kverkar þegar námskeiðinu lauk. Held hreinlega að ég hafi aldrei verið svona lengi á eintali - klukkutíma og 3 korter... geri aðrir betur. Reyndar talaði ég ekki alveg allan tímann þar sem foreldrarnir komu líka með spurningar og ljósan hjálpaði mér að svara þeim flóknustu og tók þá hluta fæðingarinnar líka fyrir sem ekki er gult (s.s ekki innan normalsvæðisins) Jamm en annars gekk þetta bara ósköp vel og mín er ánægð með sig :)

Á morgun er svo mitvejs evaluering - svona verið að taka stöðuna á manni... vona bara að það gangi vel - er búin að vera dugleg að skila öllum skýrslum og reyna að muna eftir að útfylla allt sem útfylla á... getur maður gert meira???

Bloggkeppni...

Sko þar sem kóngurinn frændi minn var að benda mér á það að það væru veitt verðlaun fyrir að vera duglegur að blogga, þá ætla ég að reyna aðeins að standa mig.... eða þó... vitiði hvað er í verðlaun... langar eiginlega að vita það áður en ég vinn :) Og ef verðlaunin eru þess virði þá er ég viss um að slá/pikka í gegn og renna mér fyrst í mark!!!!

sæl...

Þar sem Kaupmannahafnarhjúkkan er farin að kvarta yfir fréttaleysi datt mér í hug að hamra aðeins svona smá á lyklaborðið.....

Síðustu viku er ég sko heldur betur búin að vera með stórt heimili.... 5 - 8 í mat sko nóg að snúast... en ósköp kósý samt. Er að vinna núna alla helgina en svo bara mán, þrið og fim í næstu viku - s.s. löng helgi, búin að ákveða að prinsinn fær vetrarfrí næstu viku næstum alla, þarf að fara á leikskólann á mánudaginn en hina dagana reddast þetta, ég er á kvöldvöktum og Bjarni bara í leikhúsinu fyrri part dags.

Annars finnst mér bara ótrúlegt hvað tíminn líður hratt... ég er að verða hálfnuð í praktíkinni á fæðingardeildinni.... sem þýðir bara það að ég er alveg að fara að byrja að taka á móti krílunum sjálf.... byrja á því fljótlega eftir mitvejs evaluering sem er þann 19.okt.

Er annars hundfúl, kellurnar í íslendigafélaginu hér í borg plönuðu innkaupaferð til Þýskalands og var ferðin áætluð þann 23. okt, sem mér fannst fínt því það var ákkúrat frídagur hjá mér, en nei nei... breyttu svo yfir í 30. okt og þá er ég að vinna og mamma og pabbi í heimsókn... ég var orðin voða spennt að fara til útlanda!!! Stóð auðvitað til að versla jólagjafir, afmælisgjöf fyrir prinsinn og slik og gos fyrir afmælið hans í útlandinu, en í staðinn dreif ég mig bara í bæinn í gær og verslaði megnið af jólagjöfunum... ekkert smá dugleg, enda stefnan að vera búin að versla allt sem á að senda heim þegar mamma og pabbi koma í lok mánaðarins, svo hægt sé að nota þau sem sendla...

Látum þetta duga í bili, vonandi læt ég heyra fljótlega aftur.....